شكون هو الحاج الثابث شكون فينا وبالاخص سكان الدار البيضاء مسمع باسم الحاج ثابت ، الاسم الي كيرجعنا لزمن بطش المخزن والتسلط بمباركة وزارة الداخلية تحت الاشراف ديال الرجل الثاني بالمغرب ادريس البصري شكون هو هاد الحاج ثابت ؟ وشنو دار حتى اصبح اسم مشهور بمذكرات القضاء المغربي ؟ وعلاش سمح فيه المخزن وقدموا كقربان فواحد الفترة الي كان جهاز الامن الوطني حاكم المغرب بيد من حديد ويمكن ليه يغطي على الجرائم ديالو بالخصوص انه كان عميد ديال الاستعلامات اي DST .!!؟؟ محمد مصطفى تابت او ما يعرف بالوسط المغربي الحاج تابت تزاد فشهر 8 سنة 1949 بمدينة بني ملال متزوج وعندو 5 الابناء. كان عندو طموح يخدم فسلك الشرطة مثلوا مثل كلشي المغاربة فالفترة تاع تسعينات راكم عارفين الهيبه ديال الشرطي فداك الوقت الشئ الي جعلوا فبداية الامر يشتغل كمخبر ( بركاك) بعدما سلا دراسة ديالو سنة 1970 ، فاواخر سنة 1974 بتحديد دخل الاكادمية ديال الشرطة بمدينة خنيفرة تخرج منها ورجع لبني ملال الي خدم بها واحد الفترة مهمة ، الفترة...